Aqtóbede sý astynda qalǵan aýyldyń balalary sabaqty onlaın oqyp júr

AQTÓBE. QazAqparat – Aqtóbedegi Qobda aýylynda birneshe mektep balalary sabaqty onlaın oqyp júr. Olar 14 naýryzdan bastap qashyqtan oqýǵa kóshken, dep habarlaıdy QazAqparat tilshisi.

Aqtóbe oblystyq bilim basqarmasynyń habarlaýynsha, Qobda aýdanyndaǵy úsh bilim ordasyndaǵy 400-ge jýyq oqýshy eki kúnnen beri sabaqty onlaın oqyp júr.

«Qazirgi tańda I.Taımanov atyndaǵy gımnazııanyń 311 oqýshysy, I.Qurmanov atyndaǵy – 76 oqýshysy jáne Qobylandy batyr atyndaǵy orta mektebi janyndaǵy ınternattyń 5 tárbıelenýshisi barlyǵy 3 mektepten 392 oqýshy qashyqtan bilim alyp jatyr. Tárbıeshiler qatynys shektelgen Roppovka aýylynyń turǵyndary. Sonymen qatar Oıyl aýdany Ekpetal mektep-balabaqshasynyń 61 oqýshysy búginnen bastap sabaqty onlaın oqýǵa kóshti», - dedi oblystyq bilim basqarmasy basshysynyń mindetin atqarýshy Nurgúl Bertileýova.

Eske salsaq, Qobda aýdanynda 51 úı sý astynda qaldy.

Sonymen birge dene shynyqtyrý-saýyqtyrý kesheni, dámhana, kólikke tehnıkalyq qyzmet kórsetý ortalyǵyn da sý basty.

Qobda aýdanynda jergilikti deńgeıde tótenshe jaǵdaı jarııalandy.

Sonymen birge sý tasqynyna qarsy arnaıy komıssııa qurylyp, shyǵyndy esepteý jumysy qaýip seıilgende bastalady.