Aqtóbede stýdentterden aqsha jınaǵan kolledj oqytýshysyna qatysty sot bastaldy
AQTÓBE. 23 qarasha. QazAqparat /Mıral Jarmuhambetov/ - Aqtóbe qalasynyń №2 qalalyq sotynda medıtsınalyq kolledjdiń 26 jastaǵy oqytýshysyna qatysty qylmystyq is qaralýda. S. esimdi ustaz kolledj dırektory úshin jınap jatyrmyn degen jeleýmen ózine bekitilgen top stýdentterinen 90 myń teńge aqsha bopsalaǵan.
Aqsha jınaý eki ádis boıynsha júrgizilgen. Aldymen 35 myń teńge jınaldy. Ony jınap alǵannan keıin, jeńil aqshaǵa qunyqqan oqytýshy qosymsha 55 myń teńge jınap berýdi talap etken. Odan keıin stýdentter quqyq qorǵaý organdaryna aryzdanyp keldi.
Arnaıy boıaýmen belgilengen 55 myń teńgeni alý kezinde oqytýshyny qarjy polıtsııasy qyzmetkerleri oqıǵa ornynda quryqtaldy.
