Aqtóbede stýdentter volonterlik qyzmetti úırendi
«Aqtóbe – adaldyq alańy» jobalyq keńsesi men «Leader-Q» qoǵamdyq birlestigi kolledj stýdentterine parasattylyq pen adaldyq qaǵıdalaryn nasıhattaý, kásibı volonterlyq qyzmet týraly túsinik jumystaryn júrgizý, volonterlyq toptarǵa júıeli ádistemelik baǵyt-baǵdar berý, óńirimizdegi jastardyń belsendiligin arttyrý, qoǵamǵa adal qyzmet etýge shaqyrýǵa baǵyttalǵan «BIZ BIRGEMIZ» atty stýdenttermen kezdesý keshin ótkizdi.
Jastardyń basqosýyna arnaıy shaqyrtylǵan kolledj túlekteri, ustazdar qaýymy, Q. Jubanov atyndaǵy ýnıversıtet stýdentteri, «Aqtóbe – adaldyq alańy» jobalyq keńsesiniń erikti – jastary qatysty. Kezdesýdiń negizi maqsaty - jastardyń qoǵamdaǵy rólin arttyrý, belsendi bolýǵa, qoǵamǵa qyzmet etýge tárbıeleý. Basty maqsat – jastarǵa jan-jaqty qoldaý kórsetip, durys baǵdar berý.
«Kezdesýge kelgen spıkerler ártúrli baǵytta oı qozǵady. Aqtóbe oblysy boıynsha volonterlyq qyzmetti júzege asyryp jatqan uıymdar men negizgi baǵyttary týraly, jemqorlyqtyń aldyn – alýǵa baǵyttalǵan jumystar týraly aıtyldy. Sonymen qatar, spıker óz sózinde elimizdiń bolashaǵy jastardyń qolynda, osy oraıda zamandastardy árdaıym izdenis jolynda bolýǵa jáne parasatty ári adal qoǵamdy birge qalyptastyrýǵa shaqyrdy. Kezdesý barysynda BUU negizgi gýmanıtarlyq-medıtsınalyq bólimi bolyp tabylatyn «Qyzyl Aı Qoǵamy» jumystary týraly Dııarov Eralhan, sonymen qatar jastarǵa qalaı baspanaly bolýǵa bolady jáne onyń joldary men baǵdarlamalar jaıly Turǵyn úı qurylys jınaq bankiniń mamany Maqsat Zaıtov keńes berdi. Kesh sońyńda «Leader-Q» JQB tóraǵasy Romat Mýkashev qoǵamdyq birlestiktiń eń belsendi múshelerine kýálik tabystady«, - dep habarlady «Aqtóbe - adaldyq alańy« jobalyq keńsesiniń baspasóz qyzmeti.
Ashyq alań ornatqan jastar kóptegen mańyzdy aqparattar alyp, qatysýshylarǵa saýaldaryn joldap, kelgen qonaqtarǵa alǵystaryn bildirdi.
