Aqtóbede stýdentter tóbelesip, bireýi pyshaq jaraqatyn aldy
AQTÓBE. QazAqparat – Aqtóbe avtojol kolledjiniń eki oqýshysy úıiniń aýlasynda tóbelesip, biri ekinshisine pyshaq suǵyp alǵan, dep habarlaıdy QazAqparat tilshisi.
Búgin oblystyq polıtsııa departamentiniń qyzmetkerleri oblystaǵy bilim mekemeleriniń basshylaryn shuǵyl jınady. Avtojol kolledjiniń stýdentteri men ata-analarynyń qatysýymen jınalys ótkizdi.
«10 naýryz kúni Aqtóbe avtojol kolledjiniń eki stýdenti ózara sózge kelip, biri ekinshisine pyshaq jaraqatyn salǵan. Jábirlenýshi aýrýhanaǵa jatqyzylyp, oǵan medıtsınalyq kómek kórsetildi. Qazirgi ýaqytta jábirlenýshiniń jaǵdaıy turaqty. Jastar ortasynda qylmys pen quqyq buzýshylyqtyń aldyn alý otbasynyń, sondaı-aq mektep pen demalys mekemeleriniń bastapqy mindeti bolyp tabylady», - dep oblystyq PD JPQB bastyǵy Ardana Saımaǵambetov.
Oqytýshylar da ata-analarǵa ótinishin jetkizdi.
«Tárbıe otbasynda bastalýy kerek. Ata-analar balanyń kimmen jáne qaıda ekenin, qandaı saıttardy qaraıtynyn bilýi tıis», - dediAvtojol kolledjiniń dırektory Janar Álisheva.
