Aqtóbede stýdentter bir-birimen atysty
AQTÓBE.QazAqparat - Aqtóbede jappaı tóbeles boldy. Stýdentter bir-birine pyshaq kezenip, atysty, dep habarlaıdy QazAqparat tilshisi.
Aqtóbedegi atys kezinde eki stýdent jaralandy. Oblystyq jedel járdem aýrýhanasy 14 naýryz kezinde oq jáne pyshaq jaraqatymen túsken eki stýdentke ota jasady.
«Eki stýdent te aman-esen. Ekeýiniń de aıaǵy jaralanǵan. Biri pyshaqtan, ekinshisi oqtan zaqym alǵan. Oq janaı ótken. Eti men tamyry tigildi. Jaǵdaılary ortasha aýyr. Olardyń ómirine esh qaýip tónip turǵan joq», - dedi oblystyq jedel járdem aýrýhanasynyń bas dárigeri Arystan Rahymjan.
Aıta keteıik, qazir osy oqıǵaǵa qatysty Qylmystyq kodekstiń «Buzaqylyq» baby boıynsha is qozǵaldy.
«102» nómirine Álııa Moldaǵulova eskertkishiniń mańynda atystyń estilgeni týraly habarlama tústi. Jedel-járdem aýrýhanasy 1998 jyly týǵan S.Báıishev atyndaǵy ýnıversıtettiń stýdenti, 1998 jyly týǵan Q.Jubanov atyndaǵy ýnıvetsıtet jáne 1998 jyly týǵan Baılanys kolledjiniń stýdentteri ártúrli deńgeıdegi dene jaraqattarymen kelip túskenin habarlady. Jedel sharalar nátıjesinde 1996 jáne1997 jyly týǵan eki azamat ustaldy. Jáne osy qylmysqa qatysy bar degen kúdikpen taǵy úsh azamatqa qatysty izdeý sharalary júrgizilýde»,- dep habarlady oblystyq ishki ister departamentiniń baspasóz qyzmeti.
