Aqtóbede stýdentke qarsy aýyr qylmys jasaǵan eki kúdikti ustaldy

ASTANA. KAZINFORM - Aqtóbede 19 aqpanda belgisiz eki adam 22 jastaǵy stýdentti qorqytý arqyly odan qolma-qol aqsha men jeke múlkin talap etken. Jábirlenýshi olardan qashyp, jaqyn mańdaǵy dúkenge kirip úlgergen. Alaıda olar dúkenge kirip, jábirlenýshini uryp-soǵyp, ózderimen birge alyp ketýge tyrysqan, dep habarlaıdy polisia.kz.

Polıtseıler júrgizilgen jedel is-sharalar kesheni nátıjesinde kúdikti 18 jáne 19 jastaǵy eki jigit anyqtalyp, ustaldy. Tonaý faktisi boıynsha sotqa deıingi tergep-tekserý júrgizilýde.

Mundaı qylmys úshin múlki tárkilenip, úsh jyldan jeti jylǵa deıingi merzimge bas bostandyǵynan aıyrý túrindegi jaza kózdelgen.