Aqtóbede stýdent joǵalyp ketti
AQTÓBE. QazAqparat - Keshe otbasyndaǵy janjaldan soń 16 jastaǵy boıjetken qyz joǵalyp ketti, dep habarlaıdy QazAqparat tilshisi.
25 mamyr kúni saǵat 11:00-de otbasyndaǵy janjaldan keıin kolledjdiń 1 kýrs stýdenti úıinen shyǵyp ketip, oralmaǵan.
«Polıtsııaǵa qyzdyń ákesi qońyraý shaldy. Aqtóbe munaı jáne gaz kolledjiniń 1 kýrs stýdenti Batıma Amandyqtyń boıy 155-160 sm, orta deneli, shashy uzyn, qońyr tústi. Betinde sekpili bar. Ústine qara tústi fýtbolka, ashyq kók tústi djınsy shalbar kıgen, aıaǵynda aq tústi krossovka. Uıaly telefony joq. Úıden buryn-sońdy ketpegen. Joǵalǵan qyz týraly aqparatty biletin azamattardy 8776 546 66 66 nemese «102» telefony arqyly habarlaýyńyzdy suraımyz», - dep habarlady oblystyq PD baspasóz qyzmeti.
