Aqtóbede stalkıngke qatysty 6 istiń bireýi ǵana sotqa jetti

AQTÓBE. KAZINFORM — Barlyǵy 6 fakti tirkeldi. Alaıda 5 derek boıynsha qylmystyq quram bolmaı qysqartyldy. 

Aqtóbe oblystyq PD baspasóz qyzmetiniń habarlaýynsha, Qylmystyq kodekske jańa 115-1-bap, ıaǵnı «Stalkıng» engizilgennen beri óńirde 6 fakti tirkeldi. Bári de burynǵy kúıeýiniń, súıiktisiniń ústinen aryz túsirgen. Onyń bireýi ǵana sotqa jetti.

— Polıtsııaǵa 29 jastaǵy áıel júgindi. Burynǵy kúıeýi bir aıǵa jýyq ýaqyttan beri qaıta-qaıta mazalap, sońynan qalmaı júrgen. Ýchaskelik polıtsııa ınspektorlary er adamdy polıtsııa bólimine jetkizdi. Atalǵan derek boıynsha sotqa deıingi tergeý júrgizilip jatyr, — dep habarlady polıtsııanyń baspasóz qyzmeti.

Aıta keteıik, Túrkistan oblysynda stalkıng faktisi boıynsha 8 qylmystyq is tirkelip, onyń altaýy sotqa joldandy. Prokýratýra stalkıng úshin Qylmystyq kodeksinde 200 AKE deıin aıyppul, 200 saǵatqa deıin qoǵamdyq jumys nemese 50 táýlikke deıin qamaý túrindegi jaza kózdelgenin eskertti.