Aqtóbede isti bolǵan eki ákimniń ornyna jańasy saılanady

AQTÓBE. KAZINFORM — Saılaý keler jyly qańtarda ótedi. Qazirgi kezde kandıdattardy usyný bastaldy. 

Aqtóbe oblysynyń Muǵaljar aýdany Qandyaǵash qalasy, Hromtaý aýdany Hromtaý qalasynda saılaý bir kúnde ótedi. Eki aýdandaǵy aýmaqtyq saılaý komıssııalary saılaýdy 2026 jyldyń 11 qańtar kúni bolady dep bekitti.

— Qandyaǵash qalasynyń ákimine kandıdattardy usyný 2025 jyldyń 4 jeltoqsanda bastalyp, 16 jeltoqsan saǵat 18:00–ge deıin jalǵasady. Qala ákimine kandıdattardy tirkeý merzimi 21 jeltoqsan saǵat 18:00–de aıaqtalady, — dep habarlama taratty Muǵaljar aýdandyq aýmaqtyq saılaý komıssııasy. 

Eske salsaq, Qandyaǵash qalasynyń ákimi áıeldi uryp-soqqany úshin qylmystyq jaýapqa tartylyp, aıyppul arqalady. Apellıatsııalyq shaǵymda sot alqasynyń qaýlysymen aıyppul túrindegi jaza mólsheri 295 360 teńgege deıin tómendetildi. Al jábirlenýshi paıdasyna óndirilgen ókilge tólengen shyǵynnyń mólsheri 300 000 teńgege deıin ulǵaıtyldy.

Al Hromtaý qalasynyń ákimi ákimi Saǵyndyq Shabyqbaev qarasha aıynda para aldy degen kúdikpen ustaldy. Sot kabınetindegi aqparatqa súıensek, Qylmystyq kodekstiń 366-baby 2-bóligimen jedeldetilgen tergeý júrip, is Hromtaý aýdandyq sotynyń óndirisine qabyldandy. Qylmystyq is 11-jeltoqsan kúni qaralady.