Aqtóbede SOVID-19 ben pnevmonııadan jazylǵandar ońaltý ortalyqtarynda em qabyldap jatyr
AQTÓBE. QazAqparat – Aqtóbe oblysynda koronavırýs ınfektsııasy men pnevmonııaǵa shaldyǵyp, jazylǵandar qosymsha saýyqtyrý keshenderinde em qabyldap jatyr, dep habarlaıdy QazAqparat tilshisi.
«Qazir Aqtóbe medıtsına ortalyǵy men «Darý» emhanasynda ońaltý sharasyn qabyldap jatqan adamdar bar. Jazda pnevmonııaǵa shaldyǵyp, em qabyldaǵandar 4-5 aı ótken soń entigip, júrgende sharshap qalyp jatyr. Qazan aıynan bastap bizde portal arqyly em júrgizile bastady. Olarǵa dári-dármek berilip, massaj jasalady, fızıoterapııadan ótedi», - dedi oblystyq densaýlyq saqtaý basqarmasynyń basshysy Rústem Isaev.
Aıta keteıik, ótken táýlikte óńirde 9 adamnan koronavırýs ınfektsııasy anyqtaldy. Úsheýi aýyryp, dáriger kómegine júginse, ózgesi derttiń sımptomsyz túrine shaldyqqan. Bári de Qarǵaly aýdanynyń turǵyny. Aıta keteıik, barlyǵy 3369 adamdan koronavırýs ınfektsııasy anyqtalsa, onyń 96 paıyzdan astamy jazyldy. Qazir 336 adam úı karantıninde jatyr. Olar medıtsınalyq baqylaýǵa alyndy.
