Aqtóbede soǵys ardageri úıinde otyryp daýys berdi

AQTÓBE. QazAqparat – Soǵys ardageri Ajar Orazǵalıeva úıinde otyryp, respýblıkalyq referendýmda óz tańdaýyn jasady. Aqtóbe oblysy boıynsha barlyǵy úsh myńnan astam adam osy jolmen daýys berdi, dep habarlaıdy QazAqparat tilshisi.

Aqtóbe oblystyq referendým komıssııasynyń tóraǵasy Nurlybek Júsipovtiń aıtýynsha, oblysta 100-den asqan 18 adam bar. Olar da óz tańdaýyn jasady.

Sonymen birge 6 myńǵa jýyq jas alǵash ret daýys bermek.

«Oblys boıynsha 3141 adamnan ótinish berip, ýchaskelik referendým komıssııalary úılerine bardy. 517 ýchaskeniń 15-i jabyq ýchaske bolyp sanalady. Olar: áskerı bólimder men emdeý oryndary, ýaqytsha tergeý ızolıatory. Barlyq ýchaskede baıqaýshylar bar. Shetelden eshqandaı baıqaýshy kelmedi», - dedi oblystyq referendým komıssııasynyń tóraǵasy Nurlybek Júsipov.

Daýys berip, tańdaý jasaǵan Ajar Orazǵalıeva ekinshi dúnıejúzilik soǵys ardageri. 98 jastaǵy qarııa urpaq úshin tańdaý jasady.

«Aspanymyz ashyq, elimiz tynysh bolsyn! Eń mańyzdysy osy», - dedi Ajar Orazǵalıeva.

Aıtyp óteıik, soǵys ardageri zenıtshi bolyp, Orel, Harkov, Brıansk qalalaryn azat etýge qatysyp, Kýrsk doǵasyndaǵy shaıqasta boldy. Jeńisti Berlınde qarsy alǵan.