Aqtóbede skýter tizgindegen 16 jasar bozbala jol apatynan kóz jumdy

AQTÓBE. QazAqparat - Aqtóbede skýter júrgizip kele jatqan kámeletke tolmaǵan bala jol apatynan qaza tapty, dep habarlaıdy QazAqparat.

31 mamyr kúni Jangeldın jáne Qonaev kósheleriniń qıylysynda Toyota avtokóligi men skýter soqtyǵysqan.

Skýterdi 16 jasar bala basqarǵan.

Kámeletke tolmaǵan bala oqıǵa ornynda mert boldy.

QR QK 345-baby 3 tarmaǵy boıynsha sotqa deıingi tergeý bastaldy.

«Esterińizge sala keteıik, skýter júrgizýshileri velosıped jolymen, al eger joq bolsa, joldyń oń jaq shetinde júrýi kerek» dep eskertedi polıtsııa.