Aqtóbede sıntetıkalyq esirtkini jetkizý arnasy anyqtaldy
15 sáýir Aqtóbe oblysy PD Esirtki qylmysyna qarsy is-qımyl basqarmasynyń qyzmetkerleri QR ІІM Esirtki qylmysyna qarsy is-qımyl departamentimen birge jedel-izdestirý is-sharalaryn júrgizý kezinde Alǵa aýdanynyń Marjanbulaq aýylynyń kire berisinde 39 jastaǵy júrgizýshiniń basqarýyndaǵy Mazda-626 avtokóligin tekserý barysynda ishinde untaq zaty bar 3 polıetılen paketin tapty.
Ustalǵan adamnyń turatyn jerinen taǵy birneshe polıetılen oramy jáne 100 zip-paket alynǵan.
Sondaı-aq Jańaqonys aýylynda esirtki jasyrǵan oryn anyqtalyp, onda untaq zaty bar orama alynǵan.
Jalpy salmaǵy 2 kg-nan astam «sıntetıka» tárkilendi.
Atalǵan fakti boıynsha QK-tiń 296-babynyń 4-bóligimen jáne 297-babynyń 1-bóligimen sotqa deıingi tergep-tekserý bastalyp, kúdikti QPK-tiń 128-babynyń tártibine sáıkes ustaldy.
