Aqtóbede shoshqa fermasynyń jumysshylaryna bos oryndar usynyldy
AQTÓBE. QazAqparat – Aqtóbede shoshqa fermasynyń jumysshylaryna bos oryndar usynyldy, dep habarlaıdy QazAqparat tilshisi.
Aqtóbedegi shoshqa fermasynyń jumysy ýaqytsha toqtatyldy. Munda kóń shyǵarýǵa bolmaıdy, las sýdy tógýge ruqsat joq.
«11 sáýir kúni shoshqa ólimi tirkeldi degen habarlama tústi. 12 sáýir kúni saǵat 8:30-da veterınarlar baryp, kire almady. Sol kúni 16:00-de kirip, materıal aldy. Synama zerthanaǵa jetkizildi. Ólim sebebi anyqtalady. Munda janýardy joıýǵa arnalǵan oryn bar», - dedi oblystyq veterınarııa basqarmasynyń basshysy Keńes Qanadbaev.
Seriktestikte barlyǵy 400-den astam adam jumys isteıdi. Tek 152-i kelisimshart negizinde eńbek etedi.
«Aýdandyq jumyspen qamtýdy úılestirý ortalyǵy bos jumys oryndaryn usyndy. Sharýashylyq jumys toqtatsa, jumys usynylady. Al kelisimshartsyz jumys istep júrgen adamdarǵa áleýmettik, qoǵamdyq jumys oryndaryn usynamyz. «Eńbek» baǵdarlamasy aıasynda qaıta daıaýrlaýǵa jiberilip, nesıe berý, kásip ashý tetigi túsindiriledi. Talap boıynsha jabylatyn kompanııa bir aı buryn habar lama berýi kerek. Seriktestikten eshqandaı habar kelmedi», - dedi oblystyq jumyspen qamtýdy úırestirý jáne áleýmettik baǵdarlamalar basqarmasynyń basshysy Bulbul Eleýsinova. Sonymen birge adamdar Aqtóbe-Qandyǵash tasjolyn salý kezinde qurylys jumystaryna da tartylatyn bolady.
