Aqtóbede shetelge qashyp ketken kásipkerdiń kesirinen 121 adam pátersiz qaldy
AQTÓBE. QazAqparat - Aqtóbe oblysynyń ákimi Berdibek Saparbaev BAQ ókilderimen kezdesýinde «Kosmos» qonaq úıi men «ıÝnıs sıtı» turǵyn úı kesheniniń qurylysyn júrgizip, shetelge qashyp ketken Gegam Asrıanǵa qatysty óz oıyn bildirdi, dep habarlaıdy QazAqparat tilshisi.
Aqtóbe qalasyndaǵy «saqaldy qurylystyń» tizimine engen «Kosmos» qonaq úıi men «ıÝnıs sıtı» turǵyn úı keshenindegi adamdardyń taǵdyry áli kúnge deıin belgisiz. Buǵan deıin habarlaǵanymyzdaı, ekinshi deńgeıli bankter kásipkerden ala almaǵan aqshany jeke adamdardan óndirý isin bastaǵan bolatyn. Qazir osy iske qatysty tergeý júrip jatyr. Búgin Aqtóbe oblysynyń ákimi Berdibek Saparbaev júzdegen turǵyndy alańdatqan máselege qatysty óz pikirin bildirdi.
«Gegam Asrıan Prezıdentke «Aqtóbede bızneske qysym kórsetilip jatyr» dep hat jazǵan. «Kosmos» qonaq úıiniń qurylysy bastalǵan kezde men bardym. Ol «2016 jylǵa deıin qurylysty bitiremin» dedi. Keıin sotaldy tergeý bastaldy. Ol aldymen «Qazaq bankke», keıin «Forte bankke» jerdi kepilge qoıdy. Nátıjesinde 121 adam zardap shegip otyr. Gegam Asrıan qaıda? Ol qashyn ketti. Nege qylmystyq is qozǵaldy? Sebebi, ol Qazaqstan Respýblıkasynyń zańnamasyn buzdy. Ekinshiden, ol aqshany alyp ketti. «Investıtsııa saldym» dep aıtady. Turǵyn úı qurylysy kezinde bir tıyn ınvestıtsııa salǵan joq. Turǵyn úıdi memleket esebinen saldy. Al demalys orny óziniń jeke bıznesi», - dedi Aqtóbe oblysynyń ákimi Berdibek Saparbaev. Onyń aıtýynsha, qazirgi kezde ınvestorlar izdestirilip jatyr. «Bankpen de kelissóz júrip jatyr. Aqshasy bar adamǵa satsa deımiz. Sóıtip bastalǵan qurylysty aıaqtaý qajet», - dedi Berdibek Saparbaev.
Birneshe jyl boıy qurylysy toqtap turǵan nysandar men Memleket basshysy Nursultan Nazarbaevqa aryz jazǵan kásipkerler týraly aıtyp bergen óńir basshysy ınvestıtsııalyq klımattyń jaqsarǵanyn alǵa tarty. Tipti, Dúnıejúzilik bank ınvestıtsııalyq klımat boıynsha Almaty qalasynan keıingi ekinshi orynda Aqtóbeniń kele jatqanyn jarııalaǵan eken.
