Aqtóbede sheteldik stýdentterdi bopsalaǵan kúdikti ustaldy
AQTÓBE.KAZINFORM — Olar bir-birimen oıyn-saýyq oryndarynda tanysqan. Telefonyn lombardqa tapsyrýǵa májbúrlep, keıin taǵy da aqsha bopsalaǵan.
Aqtóbe oblystyq polıtsııa departamentiniń uıymdasqan qylmysqa qarsy kúres basqarmasy jedel izdestirý kezinde 28 jastaǵy kúdiktini ustady. Stýdent kezekti ret aqshany berip jatqan sátte arnaıy jasaq pen polıtsııa oqıǵa ornyna bardy.
— Shamamen 10 kún buryn er adam sheteldik stýdenttermen tanysyp, keıin olar birge qaladaǵy oıyn-saýyq oryndarynyń birinde ýaqyt ótkizgen. Esepshotty tóleýge aqsha bolmaǵan kezde kúdikti stýdentterdiń birin qorqytyp, telefonyn lombardqa tapsyrýǵa májbúrlegen. Birneshe kúnnen keıin er adam taǵy 50 myń teńge aqshasyn ıemdengen. Atalǵan fakti boıynsha sotqa deıingi tergeý júrip jatyr, — dep habarlady Aqtóbe oblystyq PD baspasóz qyzmeti.
Aıta keteıik, ShQO-da jyl basynan beri aqsha bopsalaýdyń 14 deregi tirkeldi. Sáýirde 26 jastaǵy er adam tanysynan «zańǵa qatysty máselelerdi sheshýge kómektesemin» degen jeleýmen 200 000 teńge kóleminde aqsha bopsalaǵan.
