Aqtóbede sheteldikter mingen eki kólik jol apatyna ushyrady
AQTÓBE. QazAqparat – Aqtóbede eki kólik soqtyǵysyp, tájikstandyqtar aýrýhanaǵa tústi, dep habarlaıdy QazAqparat tilshisi.
12 naýryzda saǵat 02:20-de «Samara-Shymkent» tasjolyndaǵy Qalabaı aýylynyń mańynda jol apaty boldy. Tájikstandyqtan mingen «Ford-Fokýs» avtokóligi men «Avtolaın» soqtyǵysty. Ózbekstandyqtar mingen avtobýs ishinde 17 jolaýshy bar.
«Jol-kólik oqıǵasy saldarynan «Ford-Fokýs» avtokóliginiń júrgizýshisi jáne 3 jolaýshy túrli dene jaraqatymen Yrǵyz aýdandyq aýrýhanasyna jetkizildi. Jol apatyna baılanysty tergeý amaldary júrgizilýde. Aqtóbe oblysynyń Polıtsııa departamenti jol qozǵalysy erejelerin saqtaýdy, meteorologııalyq jaǵdaılardy, jyldamdyqty eskerýdi suraıdy», - dedi oblystyq PD baspasóz qyzmetiniń jetekshisi Erbolat Sarqulov.
