Aqtóbede sheteldik nómerli kólik ıelerin bopsalaǵan top ustaldy
AQTÓBE. QazAqparat – Aqtóbede sheteldik nómirli kólikti fotoǵa túsirip, keıin ıelerin bopsalaǵan top ustaldy. Arasynda kámelet jasqa tolmaǵan jasóspirim de bar, dep habarlaıdy QazAqparat tilshisi.
Aqtóbe qalasy Almaty aýdandyq prokýratýrasy úsh qala turǵynyna qatysty qylmystyq isti tergep, sotqa jiberdi. Sot aldy tergeý kezinde bopsalaýshy toptyń jymysqy áreketi belgili boldy.
«Kúdiktiler Armenııa jáne Reseıden jetkizilgen, sheteldik kóliktiń nómirin urlap, fotoǵa túsirgen. Keıin kólik janyna Telegram messendjeriniń mekenjaıyn qaldyrǵan. Jábirlenýshiler baılanysqa shyǵyp, hat qaldyrǵan. Negizi jábirlenýshiler jańa nómir alýy úshin kólik tirkelgen elge qaıta barýy tıis. Qoryqqannan jiberilgen bank esepshotyna 20-50 myń teńge aýdaryp, mekenjaı siltemesimen nómirin alǵan. Tergeý kezinde 16 derek anyqtaldy. Kúdiktilerdiń biri kámelet jasqa tolmaǵan jasóspirim bolyp shyqty. Top ustalǵan soń Aqtóbe qalasynda kólik ıelerin bopsalaý deregi tyıyldy», - dedi Aqtóbe qalasy Almaty aýdandyq prokýrory Jasulan Dáýlembaev.
