Aqtóbede sheteldik kólikti tirkeý aktsııasy bastaldy
AQTÓBE. QazAqparat - Aqtóbede mamandandyrylǵan halyqqa qyzmet kórsetý ortalyǵy demalyssyz jumysqa kóshti, dep habarlaıdy QazAqparat tilshisi.
Búgin elimiz boıynsha sheteldik kólikti tirkeý jumysy bastaldy.
«Prezıdent Qasym - Jomart Toqaevtyń tapsyrmasyna sáıkes jańa memlekettik nómir berý aktsııasy bastaldy. Aktsııa kezinde tehnıkalyq tólqujatyn almastyrý, ýaqytsha tirkeýge turý joly túsindirildi. Ol úshin sheteldik kólik ıeleri mamandandyrylǵan HQKO kelip, tirkelýi shart. Memlekettik nómir men tehqujat rásimdeıdi. Memlekettik kirister departamenti men polıtsııa qyzmeti keńes beredi. Kólik ıesi salyq tólep, kólikti tirkeýge alý jarnasyn óteýi tıis», - dedi oblystyq PD bastyǵynyń birinshi orynbasary Qanat Álıev.
Aqtóbe oblysynda 16 myńnan astam sheteldik nómirli kólik bar. Ázirge kólik tirkegen adam bolmady. Tek keńes alýshylar keldi. Aktsııa 1-29 aqpan aralyǵynda júredi. Bir aı boıy mamandandyrylǵan HQKO demalyssyz jumys isteıdi.
