Aqtóbede sheneýnikter qalany avtobýspen aralap, joldardyń jaı-kúıimen tanysty
AQTÓBE. QazAqparat - Aqtóbe qalalyq jolaýshylar kóligi jáne avtomobıl joldary bóliminiń basshysy men máslıhat depýtattary joldardyń jaǵdaıymen tanysty. Sheneýnikter men depýtattar qala ishin avtobýspen aralap shyqty, dep habarlaıdy QazAqparat tilshisi.
Aqtóbe qalasyndaǵy joldardy búgin sheneýnikter men depýtatar, BAQ ókilderi qarap shyqty. Bıyl qurylys, jóndeý jumystaryna barlyǵy 2,5 mıllıard teńge jumsalady. Onyń ekeýi ótken jyly bastalyp, bıyl qurylys aıaqtalatyn «Nur Aqtóbe» yqsham aýdanyndaǵy jol. Sonymen qatar, «Kerýen sıtı» saýda, oıyn-saýyq kesheni mańyna kópir salynyp, Selmash aýdanyndaǵy Arynov kóshesiniń qurylysy bastalady. Ári Batys-2 aýdanynda jańa úılerge aparar joldar salynady.
«Depýttarmen birge joldy qarap júrmiz. Ótken jyly salynǵan joldyń keıbiri búlingen. Kelisimshartqa sáıkes joldyń bárin merdiger mekeme óz qarjysyna qaıta jóndeıdi. Olar úsh jyl boıy qalpyna keltiredi. Máselen, Aqtóbe qalasyndaǵy Nokın kóshesi ótken jyly salyndy, bıyl joldyń aqaýyn kórip otyrmyz. Endi merdiger «Erhat Joldary» JShS-i bárin óz qarjysyna qaıta jóndeıdi. Aýa raıyna baılanysty qazir daıyndyq jumystary júredi, al kelesi aptada ortasha, kúrdeli jóndeý jumystary bastalady»,- Aqtóbe qalalyq jolaýshylar kóliligi jáne avtomobıl joldary bóliminiń basshysy Rýslan Tóreǵalı.
Aıta keteıik, Aqtóbe qalasynyń júrgizýshileri bastama kóterip, ótken jyly jóndelip, júrýge jaramsyz bolyp qalǵan joldardy anyqtaýǵa kóshti. Olar joldy jóndeý jumystaryn vıdeoǵa túsirip, bárin ákimdikke jóneltip otyrady.
«Aqtóbelik júrgizýshiler joldyń salynýyn da qaraýǵa kóshti. Aldaǵy ýaqytta qurylys jumystaryn qadaǵalaıdy. Óıtkeni jol salynady, biraq kóktemde shuńqyr kóbeıip tur. Sonyń saldarynan kólik júrgizýshileri shyǵynǵa batyp jatyr. Sotqa baryp, jaýapty qyzmetkerlerdi jaýapqa tartýǵa bolady»,- dedi bastamashy top ókili Dınara Qoja.
Bıyl Aqtóbe qalasynda úsh jerústi ótkeli salynady. Ótkel Ábilqaıyr han, Álııa Moldaǵulova jáne 312 atqyshtar dıvızııasy dańǵyldarynda bolady.
