Aqtóbede shekteý erejesin buzǵan túngi klýb anyqtaldy
AQTÓBE. QazAqpara – Aqtóbe qalasynda shekteý sharasyn elemegender taǵy da anyqtaldy. Tekserý kezinde túngi klýbtardyń birinde adam sany 50-den asyp ketkeni belgili boldy, dep habarlaıdy QazAqparat tilshisi.
Aqtóbe qalasy, Astana aýdanynyń polıtsııasy men prokýratýrasy birlesken reıdke shyqqan bolatyn. Tekserý kezinde túngi klýbtardyń birinde adam sany 50-den asyp ketkeni anyqtaldy.
Mekeme ıesine qatysty materıal qalalyq taýarlar men qyzmetterdiń sapa qaýipsizdigin baqylaý basqarmasyna jiberildi.
«Óńirde 900-den astam shekteý sharasyn buzý deregi tirkelgen», - deıdi oblystyq PD baspasóz qyzmetiniń jetekshisi Erbolat Sarqulov.
Aıta keteıik, sońǵy táýlikte óńirde eshbir adamnan koronavırýs ınfektsııasy anyqtalmady. Óńirde indetke shaldyqqan 3252 adamnyń 98 paıyzy jazyldy. Qazir 44 adam úı karantıninde em alyp jatyr.
