Aqtóbede shekarany zańsyz kesip ótken reseılik ustaldy

AQTÓBE. QazAqparat - Aqtóbede memlekettik shekarany zańsyz kesip ótken reseılik azamat ustaldy, dep habarlaıdy QazAqparat tilshisi.

Oblys aýmaǵynda «Mıgrant» jedel-aldyn alý sharasy ótip jatyr.

Úsh kúnde kóshi-qon zańnamasyn buzǵan 167 adam ákimshilik jaýapqa tartyldy.

Onyń ishinde 95 sheteldik jáne 72 Qazaqstan azamaty bar.

Sonymen birge 14 sheteldik elden shyǵaryldy.
Reseı azamaty Qazaqstan shekarasyn qasaqana zańsyz kesip ótken.

Bul Qarǵaly aýdanynda pasport rejımin tekserý kezinde anyqtaldy.

46 jastaǵy er adam ustaldy. ıAǵnı, memlekettik shekara beketinen emes, ózge jolmen Qazaqstan aýmaǵyna kirgen.

«Qylmystyq kodekstiń «Qazaqstan Respýblıkasynyń Memlekettik shekarasyn qasaqana zańsyz kesip ótý« baby boıynsha tergeý amaldary júrgizilip jatyr»,- dedi oblystyq PD baspasóz qyzmetiniń jetekshisi Erbolat Sarqulov.