Aqtóbede shekara buzǵan eki reseılikke qatysty qylmystyq is qozǵaldy
AQTÓBE. QazAqparat – Aqtóbede «Mıgrant» jedel aldyn alý sharasy ótip jatyr. Shekarany zańsyz kesip ótken eki Reseı azamatyna qatysty qylmystyq is qozǵaldy, dep habarlaıdy QazAqparat tilshisi.
Aqtóbede kóshi-qon zańnamasyn buzǵan 431 adam ákimshilik jaýapqa tartyldy. Onyń ishinde 225-i sheteldik jáne 206-y Qazaqstan azamaty. Úsh sheteldik shekaradan shyǵaryldy.
«Eki Reseı azamaty Qazaqstan shekarasyn qasaqana zańsyz kesip ótti. Atalǵan faktiler boıynsha QR QK 392-baby 1-bóligimen qylmystyq is qozǵaldy. Sondaı-aq, «Mıgrant» jedel aldyn alý is-sharasyn ótkizý barysynda kóshi-qon qyzmetkerleri ÚEU ókilderi, «Dáris» aqparattyq-konsýltatıvtik ortalyǵymen birlesip, Ózbekstan azamaty Dılmýrod Jalılovtyń jeke basyn kýálandyratyn qujattardy qalpyna keltirýge kómektesti. Ózbekstan azamaty Dılmýrod Faızýllaevtyń bıletin satyp alyp berdi. Olar óz Otanyna oraldy», - dedi oblystyq PD baspasóz qyzmetiniń jetekshisi Erbolat Sarqulov.
