Aqtóbede shegirtke ýlap júrgen ushaq qatty qondy
AQTÓBE. KAZINFORM — Oqıǵa Aqtóbe oblysy Baıǵanın aýdany aýmaǵynda boldy. Ushaq ishinde bolǵan adamǵa ota jasaldy.
Kóliktegi polıtsııa departamentiniń habarlamasyna súıensek, oqıǵa 7 maýsym boldy. Іsti Qandyaǵash stantsııasyndaǵy kóliktegi polıtsııa bólimi tirkedi.
— Áýe kóligi júrisi nemese olardy paıdalaný qaýipsizdigi qaǵıdalaryn buzý faktisi boıynsha qylmystyq is qozǵaldy. Qazirgi ýaqytta qylmystyq is boıynsha tıisti tergeý áreketteri júrgizilip jatyr. Ózge aqparat QR Qylmystyq-protsestik kodeksiniń 201-babyna sáıkes tergeý múddesine oraı jarııa etýge jatpaıdy, — dep habarlady Kóliktegi polıtsııa departamenti.
Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, naýqas 7 maýsym kúni Aqtóbe qalalyq kópsalaly aýrýhanasyna jetkizilgen. Ol munda bir aı em qabyldady.
— Naýqas polıtravma bóliminde em qabyldady. 10 maýsym kúni ota jasaldy. Onyń sol jaq buǵanasy synǵan. Otadan soń jaǵdaıy turaqtaldy. Emin ambýlatorııada jalǵastyrý úshin 15 shilde kúni aýrýhanadan shyǵaryldy, — dep habarlady Aqtóbe oblystyq densaýlyq saqtaý basqarmasy.
Aıta keteıik, Aqtóbede 424 myń gektar alqapta shegirtkege qarsy óńdeý jumystaryn júrgizý kózdelgen. Búginde bul jumys aıaqtaldy.
