Aqtóbede sheberler óz ónimderin kópshilikke usyndy
Tuńǵysh Prezıdent atyndaǵy ortalyq saıabaqqa birneshe kıiz úı tigilip, jergilikti sheberler óz ónimderin satýǵa shyǵardy.
Olardyń arasynda qyz jasaýyn daıyndaǵandar men qazaqy úlgide kıim tikkender boldy.
Áshekeı soqqan sheberler kúmis buıymdaryn usyndy.
Sonymen birge tarıhı-ólketaný mýzeıi arnaıy kórme uıymdastyrdy.
«Mýzeıdiń qorynda saqtalǵan etnografııalyq buıymdar, onyń ishinde ulttyq kıimder, kıiz úı jthazdary, atap aıtsaq, aǵash jastyq, sandyq, kebeje kórmege qoıyldy. At ábzelderi ishinen er toqym, qamshy ákelindi. Qarý-jaraq túrderi de bar»,- dedi Aqtóbe oblystyq tarıhı-ólketaný mýzeıiniń bólim meńgerýshisi Beknar Esirkepov.
1947 jyldan bastap mýzeıdiń etnografııa qoryna jádigerler túse bastaǵan.
«Aǵash jastyq jalpy Qazaqstannyń batys aımaǵyna tán jıhaz túri. Ózge óńirlerde kóp qoldanylmady. Kúndiz kórpe, jastyq jınaýly turady. Keshkilik quryp, ústine jastyq salyp, adam bıik jatady. Kórmege túlki terisinen tigilgen ishik, túıe júninen toqylǵan shekpen de ákelindi»,- dedi Beknar Esirkepov.
Mýzeı qyzmetkerleri aqtóbelikterge ulttyq kıim túrleri men onyń tarıhyn aıtyp berdi.
Kelýshiler tarıhı jádigerlermen tanysyp, fotoǵa tústi.
