Aqtóbede shatyry ushyp ketken mektep ishin jańbyr sýy shaıyp ketti
AQTÓBE. KAZINFORM – Aqtóbe oblysy Hromtaý aýdanynda qatty jelden birneshe mektepke zaqym keldi. Jańbyrly kúni mektep ishine sý jaıyldy.
Hromtaý aýdanyndaǵy mektepterdiń shatyry maýsym aıynda bolǵan qatty daýyl kezinde búlindi. Saldarynan Tassaı, Ońǵar orta mektepteri shatyrynyń bir bóligi ushyp ketti. Áleýmettik jeli arqyly taraǵan vıdeodan jańbyrly kúni mektep ishine sý jaıylǵanyn kórýge bolady. Ekinshi qabattan aqqan sý birinshi qabattaǵy synyp ishine deıin jetken.
– Bul nysandar tótenshe jáne tehnogendi sıpattaǵy jaǵdaı kezinde búlinip tur. Sondyqtan jergilikti atqarýshy bılik shuǵyl túrde qaıta qalpyna keltiredi. Qazirgi kezde ǵımarattaǵy shyǵyn eseptelip, tehnıkalyq qorytyndy alyndy. Sonymen birge jóndeý jumystaryna qajetti jobalyq-smetalyq qujat jasaldy. Munyń bárine ýaqyt qajet boldy. Sebebi bıýdjettik mekeme úshin smetalyq qujat, naqty somasy men jumys kólemi tolyq jazylýy tıis. Mundaǵy jumystar aldaǵy eki aptada bastalady, - dedi Aqtóbe oblystyq bilim basqarmasy basshysynyń orynbasary Artýr Aýezov.
Aıta keteıik, eki mektepti jóndeýge rezervten 256 mln teńgeden astam qarjy bólinedi. Onyń 224 mln teńgesi Tassaı orta mektebin, al 32 mln teńgesi Ońǵar mektebin jóndeýge jumsalady.
