Aqtóbede «Shańyraq» baǵdarlamasy boıynsha 201 adam baspanaly boldy
AQTÓBE. QazAqparat – Aqtóbede «Shańyraq» memlekettik baǵdarlamasy aıasynda 201 adam baspanaly boldy, dep habarlaıdy QazAqparat tilshisi.
Aqtóbe oblysy boıynsha «Shańyraq» memlekettik baǵdarlamasy boıynsha barlyǵy 500-den astam adamnyń ótinishi maquldandy. Qazirgi kezde 201 adam páter aldy.
«Óńirde taǵy bir aqtóbelik jas otbasy memlekettik baǵdarlama arqyly baspanaly boldy. Aıjamal Knısarına 29 jasta. Joldasy ekeýi 3 bala tárbıelep otyr. Aıjamal № 7 arnaıy mektepte jumys isteıdi. Mektepke jumysqa ornalasqan boıda bıýdjettik sala qyzmetkeri retinde memlekettik páter kezegine tirkelip, Turǵyn úı qurylys jınaq bankinde depozıt ashyp, aqsha jınaqtaýdy bastaǵan. Jas otbasy páter jaldap turdy, al endi olardyń jeke baspanasy bar», - dedi Turǵyn úı qurylys jınaq banki oblystyq fılıalynyń baspasóz hatshysy Maqsat Zaıtov.
Jas otbasy jańa jospar qura bastady.
«Armanym jeke baspana bolatyn. Ol armanym oryndaldy. Endi jeke kólik satyp alyp, saıahattasaq degen maqsatymyz bar» - deıdi Aıjamal Knısarına.
