Aqtóbede shalǵyn kóbelegi shyǵa bastady

AQTÓBE. QazAqparat – Aqtóbe oblysynyń Muǵaljar, Qobda, Alǵa, Mártók, Qarǵaly, Hromtaý aýdandary men Aqtóbe qalasynda shalǵyn kóbelek usha bastady. Oblystyq aýyl sharýashylyǵy basqarmasy sharýalar men baý-baqsha egetin adamdardy ýlaý jumysyna daıyn bolýǵa shaqyrdy, dep habarlaıdy QazAqparat tilshisi.

Aqtóbede shalǵyn kóbelektiń paıda bolǵany týraly aqparatty ádistemelik ortalyq taratty.

Oblystyq aýyl sharýashylyǵy basqarmasy sharýalar men baqsha daqyldaryn ósiretin adamdardy mamyr aıynyń aıaǵy men maýsym aýynyń basynda ýlaý jumystaryna daıyn bolýǵa úndedi.

«Ýlaý jumystary kezinde mindette túrle qaýipsizdik erejesi saqtalýy kerek. Sharýashylyqtar pestıtsıd alsa, shyǵynynyń teń jartysy sýbsıdııalanady. Baý-baqsha ujymdary arnaıy qyzmet mekemelerine júginýi kerek. Olardyń mekenjaıy men baılanys telefondary qazir taratylyp jatyr», - dedi Aqtóbe oblystyq aýyl sharýashylyǵy basqarmasy basshysynyń orynbasary Asylhan Ábtıev.

Aıta keteıik, qazir áleýmettik jelide qurt qaptap ketken alqaptar shyǵa bastady. Bul týraly oblystyq aýyl sharýashylyǵy basqarmasy túsinik berdi.

«Eki okrýgte qurt qatpaǵany anyqtaldy. Bireýinde 50, ekinshisi 20 gektar alqapta taraǵan. Bul shalǵyn kóbelegi emes. Aýa raıy jyly ári ylǵaldy. Sondyqtan túrli jándik shyǵyp jatyr», - dedi Asylhan Ábtıev.