Aqtóbede shalǵaı aýyl turǵyndary úshin elektrondy qyzmet qoljetimdi
«Azamattarǵa arnalǵan úkimet» memlekettik korporatsııasynyń Aqtóbe oblysynyń fılıaly 9 aıyndy qorytyndylady. Qazirgi kezde Aqtóbede 18 front-keńse, mamandandyrylǵan HQO, kóshi-qon qyzmetteri jáne tsıfrlyq qyzmetter ortalyǵy jumys isteıdi. Sondaı-aq halyqty zeınetaqy jáne járdemaqy tólemderimen qamtamasyz etý boıynsha fılıalda 2 qalalyq, 12 aýdandyq bólim qyzmet etedi. Memlekettik korporatsııanyń Aqtóbe oblystyq fılıaly dırektorynyń orynbasary Іzbasar Orynbasarovtyń aıtýynsha «Azamattarǵa arnalǵan úkimet» reestrindegi 723 memlekettik qyzmettiń 89% kórsetedi. Oblystyń shalǵaıdaǵy aýyl turǵyndary úshin qyzmetter mobıldik HQO arqyly kórsetiledi.
«Jyl basynan beri mobıldik halyqqa qyzmet kórsetý ortalyǵy oblystyń barlyq aýdanyn qamtyp, aýyl turǵyndaryna 19 myńnan astam memlekettik qyzmet kórsetti. Negizi sońǵy 7 aıda 972 017 qyzmet kórsetildi. Al taǵy 202 myńnan astam qyzmetti azamattar óz betinshe alǵan. Sondaı-aq, aımaq turǵyndary 324 587 elektrondyq tsıfrlyq qoltańba rásimdegen», - dedi Іzbasar Orynbasarov.
Aıta keteıik, qalalyq jáne aýdandyq bólimderde «Connection Point» óz-ózinp qyzmet kórsetý sektory uıymdastyrylǵan.
«Qazaqstanda 1 qarashadan bastap mekenjaı anyqtamasy talap etilmeıdi jáne memlekettik qyzmetter reestrinen alynyp tastalatyn bolady. ıAǵnı, eshbir memlekettik organ, mektep nemese medıtsınalyq mekeme 1 qarashadan bastap azamattardan mekenjaı anyqtamasyn surata almaıdy. Ony «Azamattarǵa arnalǵan úkimettiń» fılıaldarynan da, elektrondy úkimet portalynan da alý múmkindigi bolmaıdy. Qajet bolǵan jaǵdaıda qazaqstandyqtar tirkeýde turǵan mekenjaılaryn egov.kz elektrondy úkimet portaly men eGov mobile qosymshasyndaǵy jeke kabıneti arqyly teksere alady. Memlekettik organdarǵa keletin bolsaq, olar bul málimetti ishki ister mınıstrliginiń derekter bazasymen ıntegratsııalanǵan aqparattyq júıeleri arqyly alatyn bolady«, -dedi Іzbasar Orynbasarov.
Áleýmettik tólemderdiń barlyq túrleri boıynsha 2019 jyldyń 9 aıynda 95,4 mlrd teńge, onyń ishinde respýblıkalyq bıýdjetten 87,9 mlrd memlekettik saqtandyrý qorynan 6,9 mlrd teńge biryńǵaı jınaqtaýshy zeınetaqy qorynan 0,6 mlrd tenge tólendi.