Aqtóbede shahta qyzmetkeri moraldyq zııan úshin 5 mln teńge ótemaqy óndirip aldy

ASTANA. KAZINFORM — Aqtóbe qalasynyń №3 sotyna qyzmetker jumys berýshisinen 5 mln teńge moraldyq zııandy óndirý týraly talap qoıý aryzymen júgingen. Bul týraly QR Joǵarǵy sotynyń baspasóz qyzmeti málim etti. 

Іs qujattaryna sáıkes, talap qoıýshy 2022 jyldan beri shahtada bekitkish qyzmetin atqarǵan. Óz jumysyn atqaryp jatqan kezde, kenetten ken ornyndaǵy jardan bólinip, qulaǵan taý massasy talap qoıýshynyń ústine túsip, saldarynan ol esinen tanyp qalǵan.

«Jazataıym oqıǵa saldarynan jumysshy aýyr jaraqat alyp, oǵan ota jasalyp, ІІІ toptaǵy múgedektik belgilengen», — delingen habarlamada.

Eńbek qyzmetine baılanysty jazataıym oqıǵa týraly aktisine sáıkes, jumys berýshiniń 80% kinási jáne talap qoıýshynyń 50% eńbekke qabilettiliginen aıyrylý dárejesi anyqtalyp otyr. 

«Sot jazataıym oqıǵa nátıjesinde talap qoıýshynyń densaýlyǵyna eleýli zııan keltirilgenin, alǵan jaraqattyń aýyrlyǵyn, aldaǵy ýaqytta ota jasalýymen joǵalǵan densaýlyqty qalpyna keltirý boıynsha ońaltý kýrstaryn eskerip, talap qoıýshynyń talabyn tolyq kólemde qanaǵattandyrdy. Jumys berýshiden talap qoıýshynyń paıdasyna 5 mln teńge mólsherinde moraldyq zııan óndirildi», — dep habarlady Joǵarǵy sottyń baspasóz qyzmeti.

Sot sheshimi zańdy kúshine endi.