Aqtóbede shaǵyn jáne orta kásipkerlik sýbektisiniń sany 12,8 paıyzǵa azaıdy
AQTÓBE. KAZINFORM — Oblysta 77 206 shaǵyn jáne orta kásipkerlik sýbektisi bar. Byltyrǵa qaraǵanda kásipkerlik sýbektisiniń sany 12,8 paıyz tómendedi.
Aqtóbe oblystyq statıstıka departamentiniń habarlaýynsha, qazirgi kezde oblysta 19 myńnan astam zańdy tulǵa tirkelgen. Onyń tek 16 myńǵa jýyǵy jumys istep tur. Al jumys istep turǵan shaǵyn jáne orta kásipkerlik sýbektisiniń sany — 77 206.
— Byltyrǵa qaraǵanda bıyl toǵyz aıda jumys istep turǵan shaǵyn jáne orta kásipkerlik sýbektisiniń sany 12,8 paıyz tómendedi. Onyń ishinde jeke kásipkerler sany 15,8 paıyz, sharýa nemese fermer qojalyqtarynyń sany 7,7 paıyz, zańdy tulǵalardyń sany 0,9 paıyz azaıdy, — dep habarlady Aqtóbe oblystyq statıstıka departamenti.
Aıta keteıik, elimizde 2026 jyldyń alǵashqy toǵyz aıynda shaǵyn kásipkerlikten bıýdjetke túsken salyq kólemi 3,52 trln teńgege jetti. Bul byltyrǵy osy kezeńmen salystyrǵanda 27,1%-ǵa kóp.
