Aqtóbede shaǵyn kólshikte balyq qyryldy

AQTÓBE. KAZINFORM - Barlyǵy 45 keli balyq jınaldy. Mamandar sý men balyqtan synama aldy.

Aqtóbe qalasy mańyndaǵy Jińishke ózenine quıatyn shaǵyn kólshikte balyq qyryldy. Boljam boıynsha qysta balyqqa ottegi jetpegen. https://www.instagram.com/reel/DWVwOh4gJ4b/?igsh=ZTY0am1mcGlqNWI5

- Mamandar kólshik ýchaskesine baryp qaraǵan soń derek rastaldy. Ólgen balyq shabaǵynyń (móńke-red.) jalpy salmaǵy - 45 kg. Mamandar ólgen balyqty jınaý jumystaryn uıymdastyrdy. Balyq jáne sý synamalary zerthanalyq tekserý úshin alyndy. Ózen ýchaskesiniń taıyzdyǵyn eskere otyryp qys mezgilinde sý aǵyny bolmaǵan, ottegi jetispegennen qyrylǵan degen boljam jasaldy. Balyqtyń naqty ólý sebebi zerthanalyq tekserý nátıjelerinen soń belgili bolady. Ońtústik batys shaǵyn aýdanyndaǵy kólshik oblystyq jergilikti mańyzy bar balyq sharýashylyǵy sý aıdyndary tizbesine kirmeıdi. Bul kóktemgi sý tasýynan jáne qar sýlarynan paıda bolǵan kólshik,- dep habarlady Aqtóbe oblystyq tabıǵı resýrstar jáne tabıǵatty paıdalanýdy retteý basqarmasy.

Buǵan deıin habarlaǵarymyzdaı, Aqtóbe qalasynyń ortasymen aǵatyn Sazdy ózeninde balyq qyryldy. Inspektsııa mamandary 20 keli balyq jınady. Balyq synamasy taldaýǵa jiberildi.