Aqtóbede shaǵyn avtobýs pen kólik soqtyǵysyp, bir adam kóz jumdy

AQTÓBE. KAZINFORM – Samara – Shymkent tasjolynda shaǵyn avtobýs pen jeńil kólik soqtyǵysyp, bir jolaýshy kóz jumdy. Taǵy 11 adam ambýlatorlyq em alýǵa úıine jiberildi.

Oqıǵa 2 jeltoqsan kúni bolǵan. Aqtóbe oblystyq Polıtsııa departamenti baspasóz qyzmetiniń habarlaýynsha, «Mersedes Sprınter» mıkroavtobýsynyń júrgizýshisi «Folksvagen Passat» kóligimen soqtyǵysty. Saldarynan jeńil kólik ishinde bolǵan 68 jastaǵy jolaýshy kóz jumdy. Al shaǵyn avtobýs ishinde 11 jolaýshy bolǵan. Qazirgi kezde qylmystyq is qozǵalyp, tergeý júrip jatyr.

- Bir jolaýshy jedel járdem qyzmeti jetkenshe kóz jumdy. Taǵy bireýi jabyq bas-mı jaraqatymen Aqtóbe oblystyq kópsalaly aýrýhanaǵa tústi. Ol 42 jastaǵy er adam. Al zardap shekken ózge 11 adam ambýlatorlyq em qabyldaý úshin úıine jiberildi, - dedi Aqtóbe oblystyq densaýlyq saqtaý basqarmasynyń baspasóz qyzmeti.

Eske salsaq, keshe Aqtóbede 48 jastaǵy jaıaý júrginshini kólik qaǵyp ketti. Ol oqıǵa ornynda kóz jumdy.