Aqtóbede sertıfıkatsyz 400 mln-ǵa jýyq teńgeniń qıyrshyq tasy satylǵany anyqtaldy
ASTANA. KAZINFORM – Aqtóbe oblysy boıynsha sáıkestikti rastaý qujattarysyz qıyrshyq tastardy satý faktisi anyqtaldy.
Saýda jáne ıntegratsııa mınıstrligi Tehnıkalyq retteý jáne metrologııa komıtetiniń Aqtóbe oblysy boıynsha departamenti qıyrshyq tas satýmen aınalysatyn jeke kásipkerge qatysty jospardan tys tekserý júrgizdi.
Tekserý Aqtóbe oblysy boıynsha Ekonomıkalyq tergep-tekserý departamentiniń aqparaty negizinde júrgizildi.
— Baqylaý is-sharalary barysynda kásipkerdiń sáıkestikti rastaý sertıfıkatysyz 2 349 725 tonna kóleminde, jalpy somasy 396 947 895 teńge bolatyn qıyrshyq tasty ótkizgeni anyqtaldy, — delingen habarlamada.
Nazar aýdara ketý qajet, qıyrshyq tas negizgi qurylys materıaldarynyń biri bolyp tabylady jáne turǵyn úılerdi, áleýmettik nysandardy, sonyń ishinde mektepter men mektepke deıingi mekemelerdi salýda keńinen qoldanylady. Osyǵan baılanysty tehnıkalyq retteý talaptaryn saqtaý qurylys ónimderiniń qaýipsizdigi men sapasyn qamtamasyz etý úshin asa mańyzdy.
Tekserý qorytyndysy boıynsha anyqtalǵan buzýshylyqtardy joıý týraly nusqama berildi.
Qazaqstan Respýblıkasy ÁQBtK-niń 415-babynyń 1-tarmaǵy 2) tarmaqshasyna sáıkes 421 000 teńge mólsherinde ákimshilik aıyppul salyndy.
Aıta ketelik Mańǵystaýda qıyrshyq tasty zańsyz óndirgen kompanııa anyqtalǵan edi.
