Aqtóbede senbi, jeksenbi kúnderi avtobýs júrmeıdi
Aqtóbe oblysynda senbi, jeksenbi kúnderi saýda-oıyn-saýyq ortalyqtary, saýda ortalyqtary, saýda úıleri, sýpermarketter, gıpermarketter, azyq-túlik jáne azyq-túlik emes taýar bazary, azyq-túlik satpaıtyn dúkender jumys istemeıdi, jármeńkeler toqtatylady. Sonymen birge meıramhana, kafe, fast-fýd, fýdkort, ashana jáne basqa qoǵamdyq tamaqtaný oryndary klıent qabyldamaıdy. Tek tapsyryspen jetkizýge bolady.
«Fıtnes-ortalyqtar, fıtnes-klýbtar, jattyǵý zaldary, sport keshenderi, basseınder, SPA ortalyqtar, salondar, sulýlyq salondary, shashtaraz, tyrnaq stýdııalary, solıarıı, massaj ortalyqtary jáne qyzmet kórsetý salasynyń basqa da uqsas obektileri jumys istemeıdi. Qoǵamdyq monsha, saýna jabylyp, qoǵamdyq kóliktiń qozǵalysy shekteledi. Qoǵamdyq oryndarda, saıabaq, skver, jaǵalaýlardyń, kóshedegi oıyn alańdarynyń jáne azamattardyń ózge de demalys oryndarynda júrýge bolmaıdy», - dedi oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaeva.
Oblystyń bas sanıtar dárigeri qyzmetkerlerdi qashyqtan jumys rejımine kóshirýge, jumys ornyna deıin jáne turǵylyqty jerine qaıta jetkizýdi uıymdastyrýǵa keńes berdi.