Aqtóbede segizinshi qabattan qulaǵan 2 jasar sábı kóz jumdy
AQTÓBE. QazAqparat - Aqtóbede eki jasar bala 8-qabattan qulap, mert boldy, dep habarlaıdy QazAqparat tilshisi.
Keshe saǵat 14:23-de Aqtóbe qalasynyń 12-yqshamaýdanynda oqys oqıǵa tirkeldi. 2 jasar bala abaısyzda qulap ketip, oqıǵa ornynda kóz jumdy.
«Aqtóbe oblysynyń polıtsııa departamenti ata-analardy saq bolýǵa shaqyrady. Kópqabatty turǵyn úıdiń terezelerin arnaıy tormen bekitken jón. Jazdyń ystyq kúnderi ashyq turǵan terezeler balalar úshin asa qaýipti. Eresekterdiń qaraýynsyz qalǵan balalar kóp jaǵdaıda shybyn-shirkeıtin qorǵaıtyn torǵa súıenip, qulap ketedi», - dep habarlady oblystyq PD baspasóz jetekshisi Erbolat Sarqulov.
Aıta keteıik, bul - jyl basynan beri tirkelgen ekinshi derek. Buǵan deıin Hromtaý aýdanynda 2 jastaǵy sábı terezeden qulap ketip, oblystyq balalar aýrýhanasynda em alyp shyqty.
