Aqtóbede sibir jarasy kómindilerine tekserý júrgizildi

AQTÓBE. KAZINFORM – Oblysta 122 sibir jarasy kómindisi bar. Byltyr 968 synama alynyp, tekserildi. 

Veterıtarııa, epıdemılogııa qyzmeti jyl saıyn sibir jarasy kómindileriniń ornyn tekserip, topyraqtan synama alady. Byltyr myńǵa jýyq synama tekserildi.

– Oblys boıynsha 56 tıptik mal qorymy bar. Bıyl mal qorymy men sibir jarasy kómindilerin veterıtarııalyq-sanıtarlyq talapqa sáıkes kútip ustaýǵa 18,8 mln teńge jumsalady. Qazirgi kezde qarjy bólindi, - dedi Aqtóbe oblytyq veterınarııa basqarmasynyń basshysy Aıbek Sembaı.

Sibir jarasy kómindisiniń orny jyl saıyn tekseriledi. Onyń búlingen jeri jóndeledi, tazalyǵyn qamtamasyz etedi.

– Sanıtarlyq aýmaǵy – 1 000 metr. Osy araqashyqtyq saqtalýy tıis jáne óńirde bul talap saqtalǵan. Eger qandaı da bir qurylys josparlansa, aldyn ala ruqsat suraıdy, - dedi Aıbek Sembaı.

Buǵan deıin Almaty oblysy Baıserke aýylynyń turǵyndary sibir jarasynyń aýmaǵynda qurylys josparlanǵanyn aıtyp, dabyl qaqty. Degenmen oblys ákimdigi qaýip joq ekenin málimdedi.