Aqtóbede saıajaıǵa barýǵa ruqsat beriledi
AQTÓBE. QazAqparat - Aqtóbelikter kelesi aptadan bastap saıajaılaryna barýǵa ruqsat alady, dep habarlaıdy QazAqparat tilshisi.
Aqtóbe oblysynyń jedel shtaby saıajaıǵa baryp, kóktemgi egý jumystaryna ruqsat berýge sheshim qabyldady.
«Jeke avtokólikpen baý-baqsha ujymdarynyń ýchaskelerine kirý men shyǵý qujaty qaladaǵy 30 mektepte beriledi. Jergilikti atqarýshy organdar beretin ruqsatnamany alý úshin jeke kýálik pen jer ýchaskesiniń aktisi qajet. 27 sáýirden bastap turǵyn úı alaptarynan baý-baqsha ujymdaryna deıin adamdardy tasymaldaý úshin «Avtopark» seriktestigi 4 baǵytta, «PATP» seriktestigi 2 baǵytta avtobýs shyǵarady. Al baý-baqsha ujymdarynyń aýmaǵynda turaqty turatyn adamdarǵa ruqsatnama berilmeıdi«, - dedi qala ákiminiń baspasóz qyzmeti.
