Aqtóbede saýyqtyrý ortalyǵy men jeke emhanalar provızorlyq statsıonarǵa aınalady
AQTÓBE. QazAqparat – Aqtóbede ókpe qabynýy dertine shaldyqqan sany artty. Erteń «Shaǵala» saýyqtyrý ortalyǵy provızorlyq statsıonarǵa aınalady, dep habarlaıdy QazAqparat tilshisi.
«Búgin Temirjol aýrýhanasy men oblystyq týberkýlez dıspanseri tolsa, erteń 200 oryndy «Shaǵala» saýyqtyrý ortalyǵy qoldanysqa beriledi. Sonymen birge eki jeke emdeý mekemesiniń basshysymen kelisim júrip jatyr. Olar da provızorlyq statsıonar bolady. Munda ókpe qabynýyna shaldyqqandar em qabyldaıdy», - dedi oblys ákiminiń keńesshisi Áset Qalıev.
Eske salsaq, oblysta ókpe qabynýynan 47 adam kóz jumdy. Qazir 1 myńnan astam adam aýrýhanada em qabyldap jatyr. Olardyń 10-y jasandy tynys alý apparatyna qosylǵan.
