Aqtóbede saýda úıleri men bazarlar demalys kúnderi jumys istemeıdi
Oblysta bankter, HQKO, «Qazpochta» AQ bólimsheleriniń jumys ýaqyty 9:00-den 18:00-ge deıin bolady. Meıramhana, dámhana jáne kofehana sekildi qoǵamdyq tamaqtaný obektileri de 9:00-den 20:00-ge jumys isteıdi. Adam sany 30-dan aspaýy tıis. «ASHYQ» jobasyna qatysatyn nysandar Bas memlekettik sanıtarııalyq dárigeriniń qaýlysyna sáıkes qyzmet kórsetedi.
«Jazǵy alańdardyń 9:00-den 20:00-ge deıin, ashanalardyń 6.00-den 00:00-ge deıin jumys isteýine ruqsat bar. Ashyq bazarlar, jabyq bazarlar, saýna, SPA-ortalyqtar men basseın, jabyq sport obektileri (sport keshenderi, sport mektepteri, sport klýbtary, jattyǵý zaldary), sporttyq-saýyqtyrý ortalyqtary jáne fıtnes klýby, sonyń ishinde ıoga ortalyqtary, saýda-oıyn-saýyq ortalyqtary, saýda úıleri, saýda jelileri senbi-jeksenbi kúnderi jabylady», - dedi oblystyq sanıtarııalyq-epıdemıologııalyq baqylaý departamentiniń baspasóz qyzmeti.
Eske salsaq, Aqtóbede jaǵajaı men akvapark jumysyna tyıym salynynǵan edi.
