Aqtóbede sarbazdar jeke úıden shyqqan órtti sóndirdi
AQTÓBE. QazAqparat - Patrýldik kezekshilikke shyqqan №6655 áskerı bóliminiń sarbazdary janyp jatqan úıdi kórip, kómek kórsetti. Olar úıdiń janynda turǵan shaǵyn avtobýsty saqtap qaldy, dep habarlaıdy QazAqparat tilshisi.
Aqtóbe qalasyndaǵy №6655 áskerı bóliminiń sarbazdary ádettegi patrýldik kezekshilikke shyǵyp, adam ómirin saqtap qaldy. Qalanyń Chekalın kóshesindegi qoǵamdyq tártipti baqylap júrgen sarbazdar jeke úıdiń órtenip jatqanyn kórip, birden kómek kórsetýge bardy.
«Áskerı jasaq qoǵamdyq tártipti baqylap, qaýipsizdikti kúzetedi. Sarbazdar ádettegi josparǵa saı jumysqa kirisedi. Olar úıden órt shyqqanyn, tún ishinde adamdardyń jedel qımyldap, qyzyl jalyndy sóndirip jatqanyn kórip, kómek kórsetti. Áskerı jasaq órt shyqqan úıdi qorshaýǵa alyp, aýla ishinde turǵan shaǵyn avtobýsty qaýipsiz jerge ıterip shyǵarady. Keıin órt sóndirýshilerge kómektesti»,- dedi Ulttyq ulannyń Aqtóbedegi 6655 áskerı bólim komandıriniń orynbasary Denıs Cha.
Aıta keteıik, órt sóndirý kezinde áskerı jasaq quramynda serjant Seıitjan Qaljanov, 2016-2017 jyldary ásker qataryna alynǵan Artem Kasıanenko, Alekseı Mantsok, Dáýlet Eljanuly bolǵan. Sarbazdar Almaty men Pavlodardan ásker qataryna alynyp, Otan aldyndaǵy boryshyn ótep jatyr. Sarbazdar 20-21 jasta.
