Aqtóbede sapasyz qyzmet kórsetken medıtsınalyq mekemelerden 50 mln teńge qaıtaryldy
AQTÓBE. QazAqparat - Aqtóbe oblysy boıynsha medıtsınalyq emdeý mekemeleri naýqastarǵa tegin dári-dármekti ýaqytyly bermegeni jáne medıtsınalyq qujattardy durys toltyrmaǵany anyqtaldy, dep habarlaıdy QazAqparat tilshisi.
Kórsetiletin medıtsınalyq kómektiń sapalylyǵyna kóz jetkizý úshin «Áleýmettik medıtsınalyq saqtandyrý qorynyń» oblystyq fılıal mamandary jyl basynan 44 emhana men aýrýhanaǵa barǵan.
«Kúndizgi jáne tolyq statsıonarlyq kómek kórsetetin medıtsınalyq uıymdardy eki túrli ádispen baqylaýǵa bolady. Birinshisi, «Medıtsınalyq qyzmetterdiń sapasyn baqylaý júıesi» atty aqparattyq baza arqyly. Ekinshisi, qordyń sarapshylary emdeý mekemelerine baryp tekseris júrgizedi. Jyl basynan beri kúndizgi jáne tolyq statsıonarda kórsetilgen 4,4 myńnan asa emdeý derekteri tekserildi. Sonyń ishinde 38 paıyzynda kemshilik anyqtaldy. Nátıjesinde, aqtóbelik medıtsınalyq uıymdardan 49,5 mln teńge keri qaıtaryldy», - dedi «Áleýmettik medıtsınalyq saqtandyrý qory» fılıalynyń dırektory Gúlmıra Qojanııazova.
Sonymen qatar, kúndizgi statsıonarlyq kómektiń sapasyn tekserý úshin monıtorıng bóliminiń mamandary 7 emdeý mekemesine baryp, 1,4 mln teńgege kemshilikter anyqtaǵan.
«Monıtorıng mamandary ambýlatorlyq-emhanalyq kómek pen konsýltatsııalyq-dıagnostıkalyq kómek usynatyn 44 medıtsınalyq uıymǵa baryp, tekseris júrgizdi. Sonda 1,9 mln teńgege kemshilikter anyqtaldy. ıAǵnı, naýqastarǵa tolyq kólemde em kórsetpegen, tegin dári-dármekterdi ýaqytyly bermegen, medıtsınalyq qujattamany sapasyz toltyrǵan. Em alýshylardyń shaǵymy negizinde jospardan tys tekserý júrgizilip, 3 mln teńgege kemshilikter anyqtaldy», - dedi Gúlmıra Qojanııazova.
Aıta keteıik, 2019 jyly halyqqa tegin em kórsetý úshin Aqtóbe oblysynyń medıtsınalyq uıymdaryna 39,1 mlrd teńge bólindi. Bıyl bólingen qarjy 4,5% kóp.
