Aqtóbede «Sanaly urpaq» respýblıkalyq jobasy bastaý aldy
4 joǵary oqý ornynda jáne 37 kolledjinde qurylǵan «Sanaly urpaq» jobasynyń basty qaǵıdasy jastardyń sanasynda jemqorlyqsyz jarqyn bolashaqqa jeteleıtin pikir qalyptastyrý.
Klýbtar bilim berý mekemeleriniń oqytýshylyq quramy jáne belsendi stýdentter qatarynan qurylyp, búgingi kúnniń ózinde 1920 adamdy múshelikke aldy.
Jobanyń maqsaty - stýdentterdiń sybaılas jemqorlyqqa qarsy dúnıetanymyn qalyptastyrý jáne oqý orynynda akademııalyq adaldyq qaǵıdatyn engizý bolyp tabylady.
Bul shara Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Aqtóbe oblysy boıynsha departamenti, «Aqtóbe - jastar tańdaýy» Qoǵamdyq birlestiginiń, oblystyq ishki saıasat basqarmasy tapsyrys aıasynda júzege asyrylýda.
Departament basshysynyń orynbasary Rafhat Bısenovtyń sózine qaraǵanda, qoǵamda sybaılas jemqorlyqqa qarsy kózqaras pen quqyqtyq sana qalyptastyrý baǵytynda sheshýshi jáne sońǵy sóz jastar tarapynan bolýy qajettiligin atap ótti.
Joba sybaılas jemqorlyqqa qarsy standarttardy qabyldaý, komıssııalardy qurý jáne sharalar ótkizýdi kózdeıdi. Sonymen qatar, joba aıasynda sybaılas jemqorlyqqa qarsy marafon estafetasyna bastaý berdi. Estafeta sybaılas jemqorlyqqa qarsy dárister jáne mádenı kópshilik sharalar ótkizýge kózdelgen.