Aqtóbede Sall-ortalyǵy ashyldy
AQTÓBE. QazAqparat – Aqtóbede turǵyndardyń saýalyna jedel jaýap beretin ortalyq jumysyn bastady, dep habarlaıdy QazAqparat tilshisi.
«Aqtóbe oblystyq polıtsııa departamenti Kóshi-qon qyzmeti basqarmasymen tótenshe jaǵdaı kezinde kóshi-qon zańnama máselelerin túsindirý úshin Sall-ortalyǵy ashyldy. Barlyq suraqtar boıynsha azamattar 906-606 telefony arqyly habarlasa alady. Call-ortalyǵy saǵat 09:00-den 20:00-ge deıin jumys atqarady», - dedi oblystyq PD baspasóz qyzmetiniń jetekshisi Erbolat Sarqulov.
Sonymen qatar, osy ortalyqta taýarlar men qyzmetterdiń sapasy men qaýipsizdigin qadaǵalaý departamentiniń, polıtsııa, densaýlyq saqtaý, jumyspen qamtý jáne áleýmettik baǵdarlamalar, bilim basqarmalary, Aqtóbe qalasynyń ákimdigi óńir turǵyndarynyń suraqtaryna jaýap beretin bolady.
Mundaı sharalardy óńir basshylyǵy aqtóbelikterdiń ótinishterine ýaqytyly áreket etý jáne memlekettik organdardyń jumysyn jyldam úılestirý úshin qabyldap otyr.
Aıta keteıik, kóshi-qon qyzmeti basqarmasy sheteldik pasporttardy rásimdeý boıynsha azamattardy qabyldaýdy 18 naýryzdan bastap toqtatty. Sonymen qatar, sheteldikterdiń turaqty tirkeý merzimi aıaqtalǵan jaǵdaıda tótenshe jaǵdaıda ony 30 kúnge uzartýǵa bolady.
