Aqtóbede sábıin qoqysqa tastap ketken anaǵa qatysty qylmystyq is qozǵaldy
AQTÓBE. KAZINFORM – Qazir anasyn anyqtaý, izdestirý jumysy júrip jatyr. Sonymen birge qylmystyq is qozǵaldy.
Aqtóbede shaqalaqty tastap ketken anany anyqtaý jumysynyń júrip jatqanyna úsh kún boldy. Ázirge kimniń tastap ketkeni belgisiz.
Osy oqıǵadan soń Qylmystyq kodekstiń «Qaýipti jaǵdaıda qaldyrý» baby boıynsha is qozǵaldy. Eger kúdiki anyqtalyp, is sotqa jetse 100 AEK deıingi mólsherde aıyppul salynady nemese 120 saǵatqa deıin qoǵamdyq jumysqa tartylady, 45 táýlikke qamalady.
Shaqalaqtyń densaýlyǵyna aýyr nemese aýyrlyǵy ortasha zııan keltirse, 2 myń AEK mólsherinde aıyppul salynady nemese 2 jylǵa bas bostandyǵynan shekteý, tipti bas bostandyǵynan aıyrý jazasy qarastyrylǵan.
Aıta keteıik, shaqalaqtyń densaýlyǵy qazir turaqty aýyr. Sebebi denesi salqyndap qalǵan. Dárigerler týa bitti derti joq saý bala ómirge kelgenin aıtyp otyr.
Eske salsaq, oqıǵa 23 mamyr kúni bolǵanymen polıtsııa búgin ǵana aqparat taratty. Sábıdi qoqys mańynda oınap júrgen adamdar taýyp alǵan.
