Aqtóbede sábı súıýdi armandaǵan kelinshektiń ólimine qatysty sot otyrysy aıaqtaldy
AQTÓBE. QazAqparat – Aqtóbede sábı súıýdi armandap, 20 jasynda jeke klınıkada kóz jumǵan Gúldana Nurmaǵanbetovanyń isine qatysty sot úkimi shyqty. Sottalýshy akýsher-gınekolog Olga Lı-Ko-Shın-Feter aqtalyp shyqty, dep habarlaıdy QazAqparat tilshisi.
Aıdos pen Gúldana Nurmaǵambetovter balaly bolýdy armandap, kelinshek 8 aı boıy gınekologııalyq aýrýlarǵa baılanysty jeke klınıkada em qabyldaǵan. Sońǵy emi kezinde dárini qatty aýyrsynyp, operatsııa ústelinde kóz jumdy. Aldyn ala boljam boıynsha, G.Nurmaǵanbetova anafılaktıkaly q shok alǵan. №2 Aqtóbe qalalyq sotynda Qylmystyq kodekstiń 317-baby 3-bóligimen, ıaǵnı, medıtsına nemese farmatsevtıka jumyskeriniń kásiptik mindetterin tıisinshe oryndamaýy babymen is qaraldy. Birneshe sot-medıtsınalyq saraptama taǵaıyndaldy.
«Sot úkimimen Lı-Ko-Shın-Feter kinásiz dep tanylyp, sot zalynan aqtalyp shyqty. Іs boıynsha qylmys quramy anyqtalmady. Sottalýshy qylmystyq jaýapqa tartylǵany úshin zań aıasynda shyǵyndy óteı alady. Sot úkimi kúshine engen joq» dep habarlady oblystyq sottyń baspasóz qyzmeti.
Іs materıalyna súıensek, kóz jumǵan Gúldana Nurmaǵambetovanyń metronıdazol preparatyna allergııasy bolmaǵany, operatsııaǵa deıingi bir aptalyq ýaqyt ishinde quramynda metronıdazoly bar asa aýyr dári qabyldaǵany belgili boldy. |ıAǵnı, metronıdazolǵa allergııasy bar ekeni tolyq dáleldenbedi. Lı-Ko-Shın-Feter diń barlyq emdi hattamaǵa súıenip júrgizgeni anyqtaldy.
