Aqtóbede rýlge ıe bola almaı qalǵan zeınetker jol apatynan kóz jumdy
AQTÓBE. QazAqparat – Aqtóbede rýlge ıe bola almaı qalǵan 71 jastaǵy qart jol apatynan kóz jumdy, dep habarlaıdy QazAqparat tilshisi.
Oqıǵa Batys Qytaı-Batys Eýropa halyqaralyq dálizinde boldy. Mártók aýdany Saryjar aýylynyń 71 jastaǵy turǵyny rýlge ıe bola almaı, kóligimen joldyń oń qaptalyna qaraı aýdarylǵan. Oblystyq Polıtsııa departamenti baspasóz qyzmetiniń habarlaýynsha, jol-kólik oqıǵasy saldarynan júrgizýshi alǵan jaraqatynan oqıǵa ornynda kóz jumdy.
Eske salsaq, Aqtóbe-Atyraý tasjolynda jeńil jáne júk kóligi soqtyǵysyp, júrgizýshi kóz jumdy.
