Aqtóbede reıster keıinge shegerildi

AQTÓBE. KAZINFORM – Aqtóbede boranǵa baılanysty áýe reısteri keıinge shegerildi. 

Álııa Moldaǵulova atyndaǵy Aqtóbe halyqaralyq áýejaıy baspasóz qyzmetiniń habarlaýynsha, búgin 10 reıs ushyp-qonýy tıis bolatyn. Alaıda aýa raıyna baılanysty bári ýaqytsha toqtap tur.

– Qazirgi kezde 4 reıs toqtap tur. Olar: FlyArystan áýe kompanııasynyń Almaty – Aqtóbe – Almaty, Qazaq Air kompanııasynyń Astana – Aqtóbe – Atyraý, SCAT kompanııasynyń Astana – Aqtóbe – Astana, Qazaq Air kompanııasynyń Atyraý – Aqtobe – Astana reısteri. Toqtaý sebebi – meteojaǵdaıǵa baılanysty, - dep habarlady áýejaıdyń baspasóz qyzmeti.