Aqtóbede respýblıkalyq tasjoldyń bir bóligin sý shaıyp ketti

10 sáýir kúni Aqtóbede aýa temperatýrasy +20 gradýsqa deıin kóterilip, nátıjesinde saǵat 19:50-de respýblıkalyq mańyzy bar Aqtóbe-Orsk tasjolynyń 18-shaqyrymynda erigen qar sýy tasydy. Tasjoldaǵy sý 10 sm deıin kóterilip, 100 metr aýmaqqa jaıyldy.

«Oqıǵa ornyna TJD jáne jergilikti atqarýshy organdardyń qyzmetkerlerinen turatyn jedel top jumys istep jatyr. Jergilikti polıtsııa qyzmeti «Qazaqavtojol« kompanııasymen birlesip, osy ýchaskede kólik qozǵalysyn retteýdi uıymdastyrǵan. Qozǵalysqa kedergi joq. 5 shaqyrym qashyqtyqta ornalasqan Sadovoe jáne Prıgorodnyı eldi-mekenderin sý baspaıdy»,- dep habarlady oblystyq TJD baspasóz qyzmeti.