Aqtóbede respýblıkalyq mańyzy bar joldardaǵy oı-shuńqyrlar jóndeldi
AQTÓBE. KAZINFORM – Aqtóbe oblysy boıynsha respýblıkalyq mańyzy bar joldardaǵy shuńqyrlar jóndeldi. Sonymen birge jol belgileri jańartylyp, tasjoldaǵy syzat biteldi.
Aqtóbe oblysyndaǵy respýblıkalyq mańyzy bar tasjoldarda aǵymdaǵy jóndeý jumystary mamyr aıynda bastaldy. Bir aıda 25 myń sharshy metr jol jabyndysy jóndeldi.
- Jol jóndeý jumystaryna 7 brıgada jumyldyryldy. Barlyǵy 20 tehnıka qoldanyldy. Bıyl asfalttiń joǵary qabatyn qyryp tastaýmen qatar reaaktıvti ınertsııa ádisi qoldanyldy. Ol úshin «QazAvtoJol» AQ-y óńirge eki arnaıy tehnıka bóldi. Jańa ádis jumysty jedeldetýge kómektesti. Eki-aq adam jumys isteı beredi. Bir tehnıka shuńqyrdy tazartyp, keıin qıyrshyq tas pen emýlsııa aralasqan qospany quıyp, biteıdi, - dedi «QAJ servıs» JShS AOF bas ınjeneri Abylaı Kadyrov.
Aıta keteıik, respýblıkalyq tasjoldarǵa 400-ge jýyq jol belgisi ornatyldy. Sonymen birge burylystarda jaryq beretin 182 belgi de qoıyldy. Joldaǵy syzattarǵa arnaıy suıyqtyq quıyp, asfalt jabyndysyn saqtaý ádisi qoldanyldy.
Eske salsaq, aqtóbelikter "Samara-Shymkent" tasjolynyń "Aqtóbe-Qarabutaq-Ulǵaısyn" baǵytyndaǵy joldyń tym nashar bolyp ketkenin aıtyp, synady. Bul joldy jóndeýge bıyl 2 mlrd teńge bólindi. Sonymen birge bıyl osy baǵytta 4 jolaqty jol salý jumysy bastaldy.
